Улаанбаатар хотын замын хөдөлгөөний ачаалал өнгөрсөн жилүүдэд тогтмол ихсэж, тэг зогсох эрсдэл өндөр болсон.

Үүнтэй холбогдуулан тээврийн хэрэгслийг ажлын өдрүүдэд улсын дугаарын тэгш болон сондгойгоор ангилан бүсчлэл харгалзахгүйгээр хөдөлгөөнд оролцуулахыг дэмжих эсэх санал асуулга явуулсан билээ.

Санал асуулга өчигдөр 00:00 цагт дууссан учраас өнөөдөр буюу 2025 оны наймдугаар сарын 25-ны даваа гарагт тэгш, сондгой дугаарын хязгаарлалт үйлчлэхгүй бөгөөд энгийн өдрийн журмаар 1, 6-аар төгссөн дугаартай тээврийн хэрэгслүүд хөдөлгөөнд оролцохгүй. 

Санал асуулгын хариу гарсны дараа тэгш, сондгойгоор ангилан бүсчлэл харгалзахгүйгээр хөдөлгөөнд оролцуулах эсэх асуудлыг хэлэлцэж, эцсийн шийдвэрийг гаргах юм байна.