“Нүүрсний сонсгол”-ын хоёр дахь хэсгийн гурав дахь өдрийн хуралдаан эхэллээ. 

Тавантолгой түлш ХХК-иас Зерован ХХК-д найман удаагийн гүйлгээр 57.6 сая төгрөг шилжүүлсэн бөгөөд тус компанийн гүйцэтгэх захирал Б.Энхчулуун бэлнээр зарлагадаж, иргэн Ө.Ууганбаярын хадгаламжийн дансанд шилжүүлсэн байна.

Ө.Ууганбаяр нь Тавантолгой түлш ХХК-нд 2018-2021 онд ерөнхий нягтлан бодогчоор ажилласан П.Амарцэцэгийн нөхөр аж.

Түр хорооны дарга Б.Энхбаярын "Танай компаниас таны гарын үсгээр мөнгө гарч, нөхрийн чинь хадгаламж руу орсныг юу гэж тайлбарлах вэ" гэсэн асуултад П.Амарцэцэг “Тухайн үед санхүүгийн программын үнэ өндөр байсан. Санхүүгийн бүртгэлээ хөтлөхийн тулд аргагүйн эрхэнд программ авсан” гэх тайлбарыг өглөө.