ӨНӨӨДӨР ДЭЛХИЙН ЁС ЗҮЙН ӨДӨР.

Жил бүрийн 10-р сарын гурав дахь долоо хоногт Дэлхий нийтээрээ “Дэлхийн ёс зүйн өдөр” (Global Ethics Day)-ийг тэмдэглэн өнгөрүүлдэг. Энэ өдөр нь ёс суртахуун, шударга байдал, хариуцлага, нийгмийн сайн сайхны төлөөх манлайллын үнэ цэнийг эргэн сануулах, хэлэлцэх зорилготой юм.

Манай байгууллага энэхүү өдрийг 3 дахь жилдээ тэмдэглэн өнгөрүүллээ.  Уг өдрийг угтан төвийн Ёс зүйн дэд хорооноос “Ёс зүй энгийн зүйлээс эхэлдэг” богино бичлэгний уралдаан зарлаж, албадууд идэвхтэй оролцлоо.

Ёс зүйн өдрийг тэмдэглэн өнгөрүүлэх хүрээнд өдөрлөг зохион байгуулж нийт албан хаагчиддаа мэндчилгээ, дурсгалын зүйл гардуулж, уралдаанд ирүүлсэн богино бичлэгнүүдээ шалгарууллаа.

Мөн энэ үеэр “Би ажлын байрандаа ёс зүйг ингэж хэрэгжүүлдэг” зурагт самбарын уралдаанд багаар хуваагдан оролцож шалгаруулан шагнал гардууллаа. Нийт албан хаагчдад Ёс зүйн өдрийг таниулсан, төрийн албан хаагчийн ёс зүйн хэм хэмжээг сурталчилсан үр дүнтэй арга хэмжээ боллоо.