Нийслэлийн Засаг даргын 2025 оны 10 дугаар сарын 3-ны өдрийн “Гамшгийг тэсвэрлэх чадавхыг үнэлэх ажлын хэсэг байгуулах тухай” А/ 1402 тоот захирамжаар гамшгаас урьдчилан сэргийлэх, эрсдэлийг бууруулах зорилгоор нөхцөл байдлын мэдээллийг цуглуулах, болзошгүй эрсдэлийг тодорхойлж, зөвлөмж гаргах ажлын хэсэг байгуулагдсан.

Энэхүү ажлын хэсэг нь ”Аюулгүй, гамшигт тэсвэртэй хотыг бий болгох нь” санаачилгыг Монгол Улсад хэрэгжүүлэх хүрээнд НҮБ-ын гамшгийн эрсдэлийг бууруулах газраас гаргасан “Хотуудын гамшгийг тэсвэрлэх чадавхыг онооны аргаар үнэлэх” аргачлалын дагуу нийслэлийн гамшгийг тэсвэрлэх чадавхын үнэлгээг хийж, эрсдэлийг тодорхойлох юм.

Ажлын хэсэг гамшгийг тэсвэрлэх чадавхыг онооны аргаар үнэлгээ хийхдээ үндсэн 10 чиглэлийн дагуу гамшгийн эрсдэлийн ерөнхий үнэлгээ хийж, гамшгийн нөхцөл байдлын мэдээг цуглуулан, эрсдэлийн ерөнхий үнэлгээг боловсруулж, эрсдэлийг тодорхойлж зөвлөмж гаргана гэж Нийслэлийн Онцгой байдлын газраас мэдээллээ.