ЭРҮҮЛ МЭНДИЙН ЯАМНЫ ТӨРИЙН НАРИЙН БИЧГИЙН ДАРГА Д.ОЧИРБАТ БҮГД НАЙРАМДАХ ТУРК УЛСАД ЗОХИОН БАЙГУУЛАГДАЖ БУЙ УЛАМЖЛАЛТ АНАГААХ УХААНЫ ОЛОН УЛСЫН III ДУГААР ЧУУЛГАНД ОРОЛЦОЖ БАЙНА

ЭРҮҮЛ МЭНДИЙН ЯАМНЫ ТӨРИЙН НАРИЙН БИЧГИЙН ДАРГА Д.ОЧИРБАТ БҮГД НАЙРАМДАХ ТУРК УЛСАД ЗОХИОН БАЙГУУЛАГДАЖ БУЙ УЛАМЖЛАЛТ АНАГААХ УХААНЫ ОЛОН УЛСЫН III ДУГААР ЧУУЛГАНД ОРОЛЦОЖ БАЙНА

Эрүүл мэндийн яамны Төрийн нарийн бичгийн дарга Д.Очирбат “Уламжлалт ба сэргээн засах анагаах ухааны III чуулган”-нд оролцохоор Бүгд Найрамдах Турк Улсын Истанбул хотноо ирээд байна. Чуулган 2025 оны аравдугаар сарын 3-5-ны өдрүүдэд БНТУ-ын Истанбул хотноо зохион байгуулагдаж байна.

Энэхүү чуулганд дэлхийн 20 гаруй улсын төлөөлөл оролцож уламжлалт анагаах ухааны чиглэлээр хэрэгжүүлж буй өөрийн улсын үйл ажиллагаа болон цаашдын төлөвлөгөөг танилцуулахаараа онцлогтой юм.

Төрийн нарийн бичгийн дарга Д.Очирбат чуулганы нээлтэд 2025 оны 10 дугаар сарын 3-ны өдөр оролцож, Монгол Улсын Уламжлалт анагаах ухааны чиглэлээр баримталж буй хууль тогтоомж, хэрэгжүүлж буй үндэсний хөтөлбөр болон цаашид хэрэгжүүлэх төлөвлөгөөний талаар танилцуулга хийв.

May be an image of one or more people and text

Тэрбээр чуулганы дараагаар Бүгд Найрамдах Турк Улсын Эрүүл мэндийн яам, Эм, эмнэлгийн хэрэгслийн газрын төлөөлөлтэй хоёр талт уулзалтыг хийж, эрүүл мэндийн салбар дахь хамтын ажиллагааны талаар санал солилцох юм. (2025.10.04)